职场暗箭难防，既然如此，你做初一我做十五。发觉屋企两个化骨龙就快连白话都唔识听了，决定以后喺屋企沟通统一用粤语。
今日心情唔喺好靓仔，越嚟越发觉身边某位同事冇安好心嘅，平时做乜鬼都係蓄心积累噉，搞到我成日都有一种错觉，好似一下唔注意就会领嘢噉，烦到死！
今日啱啱上班果阵就畀条契弟跣咗镬，怪就怪自己太仁慈，平时班友做错嘢都帮佢地补下 fare，总之好心冇好报喇，条契弟认屎认屁已经够忔人憎嘎啦，至抵死佢仲成日喺啲领导面前督背脊呢喥衰哇。唉，既然你做初一，我咪做十五啰。本嚟我都谂住佛系啲做人噶，你喺都要整色整水，噉咪陪你玩下啰。
近期发觉对仔女越嚟越唔识讲白话，作为土生土长的广东家庭，同亲啲化骨龙倾偈都要用啲唔咸唔淡的煲冬瓜，佢哋听得辛苦，我哋讲得撬口。噉样落去唔喺办法，决定以后屋企人之间沟通就只讲白话，等两个化骨龙唔至于以后连白话都唔识听。
查实粤语喺好有特色嘅，而家我都有喺抖音上面学粤语。讲真，我开头都认为冇哩个必要，但喺自从关注咗“咩啊”哩个 up 主之后先发觉原嚟自己嘅粤语喺噉唔标准嘅。尤其喺当我决定用粤语嚟写日记先知好鬼多字都唔识写，悲哀。
所以俗语话斋——“活到老，学到老。”
落班之后同班伙记一齐出去食烤鱼，正。虽然之前食烤鱼啃过骨，严重到要去医院夹出嚟，不过哩季天整条烤鱼，饮两支啤酒又的确几爽下嘅。