同两只化骨龙讲以后喺屋企一律用白话嚟沟通，阿仔竟然唔情唔愿咁，畀佢阿嫲闹咗一镬。旅游景点的直升机飞得太低，嘈到飞起。
琴晚落班之后同班伙记整咗条烤鱼，味道好正，够正宗。可能因为饮咗几支啤酒呱，今日训到成十一点先起身。
起身刷完牙冇几耐，两只化骨龙就放学返嚟咯，食饭果阵当住老妈子同佢哋倾咗下，以后喺屋企倾偈要用白话哩个话题。个女表示冇问题，但个仔就唔多愿意，喺喥阿吱阿咗，直到畀佢阿嫲闹咗佢一镬先收声。而家啲细佬喺出面同人沟通基本上都喺用普通话，返到屋企叫你用白话竟然唔愿意？抵闹。
今日行路返工，突然间头顶几部直升机飞过，佢老顶，嘈到头肋都痛。讲时讲，点解旅游景点啲营运直升机可以飞咁低嘎？天气一好就出嚟轰炸，简直恶顶。我住二十几楼，喺屋企时就感觉啲直升机直接响头顶飞过噉，我想问一下，哩嗰到底有冇得投诉嘅？尤其喺屋企有苏虾仔嘅，头顶一直有直升机飞嚟飞去嘅话，真喺可能会畀吓亲嘅啰。
至于工作方面，果然畀我批中咗，今晚嘅行动又再次食白果。
‼️有内鬼，终止交易。