心情唔好，选择继续煲剧。拣咗部徐子珊演嘅《神枪狙击》，感觉太过浮夸睇唔落去。然后再拣咗部《流金岁月》，哩部剧都几经典下。
皆因《执法者们》只喺更新到 17 集，所以睇完咗之后我就喺优酷上揾咗另外一部剧嚟睇。因为我嗰人几中意徐子珊，所以拣咗《神枪狙击》。徐子珊的确上镜，特别喺左眼角粒痣，靓。好耐之前喺一个现场 show 度听过佢唱歌，着住条连身裙，身材尽显。
讲返部剧，只可以用一个词嚟形容“鸠噏”。尤其喺徐子珊扮演嘅 Madam，简直喺女超人，拥有“不死之身”咁，同一啲国产神剧有得挥。唔知点解，哩啲咁嘅画面多咗之后就感觉好冇意思，反正就喺睇唔落去啦。
然后再拣咗部《流金岁月》嚟睇，哩部剧真喺好老下咯。2002 年嘅作品，当时宣萱仲好后生，同《执法者们》一对比之后，真喺感叹一句“岁月催人老”。
今日嘅心情依然仲喺好低落，做乜嘢都打唔起精神。唉～，我都唔知点讲好。总之就喺“哑仔食黄莲“。同老婆倾咗下，心情仲差咗。