连续舞咗两日专项整治，脚都直。喺办公室整古同事养嘅龟仔先知原来啲龟仔咁鬼凶残嘅。
今日喺专项整治行动嘅第二日，原本以为挨晚时落咗场雨，天气会凉爽啲啦，点知仲喺闷热到鬼咁。即便我哩啲 small people 行动时只需要行行企企，但两个鲮钟肚我件衫就湿鬼哂。唉～，舞咗两晚，脚都直埋。
同事喺办公室养咗几只龟，有金钱龟，鳄鱼龟，仲有一只我唔识嘅，不过听同事话我唔识果只要成千鸡。顶，离谱。讲真，我欣赏唔嚟。
同事用咗嗰缸嚟养住啲龟嘅，到咁日我先发觉原嚟啲龟咁鬼恶死嘅，我督咗只手指埋去只缸边度，啲龟就会飞扑过嚟伸头出嚟咬。有个缸隔住咬唔到都好喇，啲龟头撞落只缸度，嘭嘭声，啲龟都一啲唔放弃。
玩咗一阵后同事就话我冇阴公，搞到佢养嘅龟撞到头都晕。哈哈哈