朝早因为自己嘅一啲啲电脑配置见解可能导致咗雷兄嘅购物体验变差感到惭愧。下昼喺 nodeseek 上溢价收咗台机，接落嚟就睇下哩台机可唔可以满足我嘅个人需求。
朝早起身就收到雷兄嘅微信，主要喺想同我讨论一下佢啱啱喺京东落单嘅一台电脑主机配置，由于自己一直都有关注哩方面嘅资讯，所以就雷兄刚下单果台电脑嘅配置我畀出自己嘅见解。到最后搞到雷兄鬼亖咁纠结，我见此即刻同佢 say sorry，毕竟雷兄已经落单了，虽然话可以同客服沟通，睇下可唔可以修改一下配置。但喺因为咁样一搞，直接搞到雷兄哩次购物体验非常之差。惭愧……
关注咗 DMIT 服务器有一段时间咯，据闻该服务器嘅线路喺属于一线水平。之前用过一次搬瓦工嘅机，感觉线路的确喺可以嘅，但机器嘅性能太差，最终我都喺选择退咗。DMIT 喺搬瓦工嘅上游，所以按道理嚟讲线路只会更好。
今日 DMIT 补货咗一款日本线路嘅高级鸡，年费去到 240 刀，太贵，用唔起。一直以嚟我都关注嘅都喺哩款 100 刀一年嘅 PVM.LAX.Pro.PalmSpring，可惜一直唔见佢补货啰。
下昼喺 nodeseek 刷帖时睇到有人溢价 50 出 PVM.LAX.Pro.PalmSpring 哩台机，谂嚟谂去到底要唔要将佢拿下，最终都喺冲动收咗。收嘅过程中卖方唔知喺由于操作问题定喺点，搞咗鬼亖咁耐都唔得，我都开始怀疑条友喺咪骗子了，点知最后又得咗，一波三折。点都好，收到自己一直想要嘅机器，心情非常之 beautiful，哈哈哈。
不过讲真喇，如果唔喺因为我既要又要嘅原因，真喺冇乜必要用咁贵嘅机，富强嘅话，而家用嘅 Cloudcone 我都觉得好够使。建站嘅话，用住嘅阿里云香港轻量亦都足够，就喺麻烦啲要喺屋企用住台主机仔嚟跑项目，再由阿里云轻量代理。但由于阿里云轻量七月到期要续费，而且哩嗰方案唔多唔少都仲喺有啲缺陷，比如要一年 365 日不停咁开住台小主机，就算喺低功耗都要唔少电费喇。所以谂嚟谂去，一台既满足我富强同建站嘅云服务器可能先喺最好嘅选择。
点都好喇，收都收咗咯，先试下哩台成百刀一年嘅机器可唔可以满足我嘅需求先。