既然两只化骨龙都唔想食午餐，咁就饿下佢哋喇。新买嘅云服务器性能可以，用得好爽。
今日老婆去咗考试，得我同两只化骨龙喺屋企，晏昼果餐先喺最头痛嘅。原本老婆已经买好云吞了，但囡囡话唔想食云吞，然后加上朝早嘅早餐都未消化，所以两只化骨龙一致决定唔食午餐。反正自己都冇乜胃口，既然两只化骨龙都话唔想食，咁就一于饿下佢哋喇。
下昼带弟弟去剪头发，估唔到平时剪开果间发廊咁鬼亖旺嘅，次次去嚫都要等成粒钟咁耐。不过等耐啲都喺值得嘅，嗰发型师剪得的确几好睇嘅。之前弟弟试过喺佢姑姑楼下果间发廊度剪发，结果剪完之后弟弟非常之咁唔满意，说以后都只想喺而家哩间发廊度剪。
挨晚终于得闲将屋企台小主机上嘅项目迁移到琴日新买果台服务器上，一切都几顺利，新买哩台机嘅性能都唔错，两 G 嘅网口喺传输上的确好给力，就喺口太大导致流量去得都几快下。不过哩啲都喺小问题，只要用得爽就够喇。