又畀阿丧影响到嗰心情，失败。做人要放宽心态，唔可以噉容易畀人影响到嘅。抖音上边学咗段粤语，精辟！
天气预报话今天开始有大暴雨，并伴有 8 级左右嘅雷暴大风。雨喺落咗成日，都喺细雨绵绵噉啰，应该喺啲风未吹到过嚟。
因为落雨，上班之后喺办公室坐咗成晚，腰都直。既然大家手头上冇乜工作就坐埋一齐吹下水，哈哈哈，食正我之前吐槽过果嗰同事果饭。我发觉条友而家真喺越嚟越丧，虽然话自己已经有意思噉去远离佢，但一齐工作，始终都难免会有打交道嘅时候，所以仲喺会畀条友嘅负能量影响到。
条友嘅思维逻辑真喺好鬼奇葩，平时啰嗦到亖，讲埋啲嘢等使嘅嘢，讲嚟讲去都喺果三督屁，烦到蕉仔咁。
查实呢，啰嗦声闷唔紧要，冇散播负能量同埋成日认屎认屁嘅话就冇咁忔人憎，有时真喺服嗮颈。乜鬼事只要一经佢口就完全唔同嗮，作大到亖。
前一排我同另一嗰同事讲起平时每一餐都要尽量食少啲米饭，食多啲青菜之类嘅话题。然后呢，我哋都慢慢都向哩嗰方面去调节饮食。
哩两日阿丧（忔人憎果嗰同事）打饭时食超少米饭，又话要减肥㖞。大佬啊，减肥都唔喺噉样减噶。平时食开两碗饭嘅，而家减到食两匙羹？真喺笑鬼亖人，哩两日上班上到一半条友开始饿，然后食一堆口头垃圾，减肥？减条毛咩…
阿丧仲有一样嘢好鬼忔人憎嘅，平时一日到黑话自己爱干净、有洁癖。上班时又经常除鞋然后放只脚上台面，睇到都眼鬼冤。先唔论你对袜臭唔臭先喇，喺办公室就噉放对脚上台面哩嗰行为都非常忔人憎喇。
睇嚟我真喺畀条友恶心到咗，戾气有啲大。唔得，以后要继续远离条友，而且心态也要放宽啲，为咗嗰九唔搭八嘅人影响自己嘅心情真喺无谓啰。
喺抖音上睇到段粤语，用嚟形容阿丧又几贴切下。
你呀，我话紧你呀，讲嘢㪐㪐㩿㩿又吟吟谮谮，真喺鸠嗡多过呼吸。叫你做嘢就齮齮齕齕、娿娿哿哿、支支整整、做起嘢上嚟就遴遴迍迍、泶泶嫪嫪、偻偻婄婄、邐邐迤迤。
唔好以为自己生得岩岩巉巉、戆戆居居、样样衰衰，一副人畜无害嘅样。查实你三句唔埋就发䒐䒏、发嗡疯、发烂苴、发狼戾，畀人闹两句你就发蹄腾、发怐愗、发花癫，一日到黑搞嗮啲虢砾缂嘞嘅嘢，一睇就知你有輘輷啦。唔好劖乱歌柄，我仲未讲完，我依家真喺㷫过㶧鎞。
你为人真喺掗拃、迾㹃、劳吵、㹃偻、伆漏、俹簁、乌搲、揦鲊、蛇𠺌，孤寒又庹缩，奸诈又缩骨，同你一齐都嫌你佗手褦脚，睇见你就眼怨，唔该你快啲趁地腍，躝尸趌路啦。