个人第二台苹果手机到手，简单体验咗一下苹果嘅生态系统，名不虚传，非常好用。
琴日落单嘅 iPhone 16 Pro 今日收到喇，京东快递就喺给力。当收到快递佬电话时，我特登戴埋部运动相机落去，准备记录一下国补开箱验机嘅过程。点知我去到驿站 ready 好之后，快递佬简单同我讲咗两句，然后就开始动手拆封进行国补验机登记，我讲我想先验一下包装，觉得冇问题之后先畀佢拆封。全程就只喺叫我开个热点畀部新手机进行链接，同网上嘅教程完全唔一样，感觉自己戴嗰运动相机嚟记录就好似个“小丑”咁。😂
返屋企之后就开始着手将旧手机上嘅软件同资料进行迁移，因为新机得 128GB 嘅容量，所以查实旧手机上边好多资料我都备份到群晖 Nas 度。我只喺将一啲平时经常用嘅软件、照片同重要嘅聊天记录搬咗过新手机，一顿操作之后空间用咗五十几个G，可以接受。
查实我只喺用过一次苹果手机 — iPhone 5s，后嚟因为工作中要用到嘅软件喺 IOS 系统上无法使用，我就冇再选择过苹果手机了。
用咗咁多年安卓阵型嘅手机，其实我觉得安卓都几好用啰。啲人话安卓机用耐咗之后会卡，讲真，我又真喺唔多觉啰。之所以哩次换机选择苹果，主要仲喺因为自己前两年买咗台 Mac Studio 同埋哩次嘅降价同国补，我先考虑想试下苹果生态。就今日简单体验咗一下之后，真喺觉得生态系统的确喺名不虚传，好用。👍
由于手机壳同钢化膜都未到，裸机状态下手感虽然之好，但毕竟喺新机，总喺担心自己一下唔注意整花，就住就住咁。睇咗一下物流信息，今晚先揽件，深圳发货，听日应该就收得到。对屏幕膜冇乜期待，但对一分钱买嘅手机壳就非常期待。😎