朝早起床后继续落楼下散步，Keep Moving…对萤石智能门锁安装师傅服务唔多满意，但 Y3000FVS Plus 哩嗰商品品质唔错，性价比也高，推荐。 Apple Watch 到了，人生第一只自己买嘅表，非常之靓仔，体验亦都非常之好。
朝早继续落楼下散步，整体同琴日差唔多，都喺行咗五公里多啲。行完之后整体感觉唔错，今朝我选择行完之后先返屋企食早餐，咁样我感觉更加合理啲。因为我朝早七点就落咗楼咯，一嗰钟头嘅锻炼时间，返到上屋企老婆都仲未出发去上班。
然后大概十点钟左右，预约嘅智能门锁安装师傅就过来帮我安装对上几日买嘅萤石 Y3000FVS Plus。有果句讲果句，哩嗰安装师傅唔多专业，拆锁同装锁都有格硬嚟的情况，总之我就有啲服颈。然后服务态度亦都唔多好，问多两句都中意。大佬啊，我作为消费者，你喺专业嘅安装师傅，我请教一下你该商品嘅相关问题唔喺好正常嘅咩？摆副唔情唔愿嘅样出嚟畀边嗰睇？如果有得对安装服务评价嘅话，我最多畀佢一粒星。
虽然话过程唔多如意，但喺结果都喺唔错嘅。智能门锁顺利安装，人脸识别嘅速度好快，掌纹，密码嘅体验都非常之咁满意。就喺帮老妈子录入人脸时唔知点解失败咗好多次，不过录入成功后开锁就无哩情况，反应好灵敏。仲有猫眼亦都好清晰，喺萤石云视频哩嗰 app 度都可以好流畅同清晰咁播放。
唔知喺咪因为我将 wifi 嘅 2.4G 信号同 5G 信号合并咗，搞到门锁嘅网络一直唔喺几理想，不过暂时仲未算影响使用，用住先。
晏昼时收到顺风嘅电话通知，Apple Watch 到咗。因为参加国补嘅原因，要现场激活，过程有啲慢。讲时讲，哩只手表喺我自己买嘅第一只表。以前 Anson 送过一只俾我，但查实我以前一直都唔多中意戴手表嘅，觉得麻烦。至于哩次选择入手 Apple Watch 更多原因都想因为想运动同埋监控身休机能状况。
今日天气有啲热，晚黑出去做嘢冇一阵就身水身汗，闷热啊。仲喺喺办公室舒服，有空调吹。不过坐得多都唔掂水，条腰有啲唔舒服。冇办法，最后喺大院度散步咗半粒钟，散完之后又做咗十分钟嘅拉伸，感觉舒服咗好多。