坚持散步嘅第七日，今朝状态几好下，行咗八公里后感觉仲 OK。散步期间碰到楼下嘅幼儿园入小区搞活动，谂到两只化骨龙出世时嘅出生率就头痛，将来佢哋也太难了。
琴日散步时胫骨有啲啲痛，琴晚叫老婆帮手撳咗两嘢，完全舒服嗮。当时老婆仲吓鸠我，话佢用咁大力撳住我脚上几个大穴都唔见我嗌痛，有啲唔正常。
今朝好行得，落楼下散步时行完五公里好似冇乜感觉，于是决定加一下强度，结果最后行咗八公里。虽然自己仲可以继续，但喺我觉得唔可以一下就加强太多，所以见好就收。
散步期间楼下间幼儿园带咗班小朋友嚟小区入边搞活动，我行过时稍微䀹咗两眼，发觉而家嘅幼师年纪都好大，以前囡囡读幼儿园时学生多，幼师都算吃香，好多年轻人选择入行。最近哩两年就差得多咯，以前一位难求嘅公立幼儿园，而家都要出嚟摆台仔，发传单招生，真喺风水轮流转。
每次讲到哩嗰话题都莫名焦虑一下，因为囡囡同弟弟出世哩两年出生率非常高，可想而知以后佢哋两嗰出到嚟社会要面临嘅竞争有几大。唉，不过冇计啰，时也命也，好多嘢整定嘅。
挨晚上班时试咗下工会趣味运动时嘅运动装，3XL，过命。减脂减脂，减咗嗰寂寞。同事听讲我体重 81KG，话我睇起身好肥，估唔中到先百六斤。查实我都越嚟越觉得自己肥，特别喺嗰肚腩，自己拍都觉得喜感十足。