坚持锻炼嘅第十二日，今日喺父亲节，一早收到囡囡嘅礼物，开心。妹妹想趁父亲节嚟改善我同老豆嘅关系，可惜心中条刺依然仲喺度，唉，顺其自然吧。
今日喺父亲节，囡囡早早就准备咗一份父亲节礼物畀我，多谢囡囡。
琴晚差唔多落班嗰阵妹妹发咗个微信过嚟问父亲节嘅安排，查实我明佢咩意思嘅，佢喺想同我一齐陪老豆过父亲节，亦都借哩个机会嚟改善一下我同老豆而家哩个紧张关系。
有心了，可惜有啲嘢暂时仲喺未放得低，个人觉得顺其自然可能仲好。
哩几日受台风影响，雨水好多，想落楼下锻炼一下都要睇准时机先得，差唔多晏昼先畀我揾到个机会落楼散步。弟弟好主动话要陪我一齐锻炼，囡囡就，佢话佢自己喺“弱鸡”㖞，服咗佢。
开始我谂住简单散下步嘅，但因为弟弟步伐太细，所以行一阵佢就要跑一下先可以跟上我。如此一嚟，行下行下我都畀佢带住跑咗起身，小朋友体力喺真的好，最后跑咗 2.5 公里后我就跑唔喐啰，而弟弟明显仲可以继续跑。
晚黑陪外父食完饭后就赴小广子嘅台球约，结果两条友一打就打到差唔多凌晨一点先撤。可能喺因为我同小广子嘅台球技术不相伯仲啩，次次都喺打得有来有回，自自然时间就过得好快。哈哈哈，爽。不过话时话，而家啲台费真喺有啲贵，打一次台球竟然要旧几两旧水。