坚持锻炼嘅第十三日，因为一直落雨，所以今日散步只喺行咗两圈就被逼暂停。晏昼两只化骨龙放学时因为大暴雨而导致弟弟班群上发生咗好多趣事，哩个世界真喺乜鬼人都有噶。用跳绳嚟锻炼效果都几好下，或者以后可以跳多啲。
哩两日因为雨水嘅关系，导致落楼锻炼都比较困难。今朝落楼散步，行咗两圈就因为落雨而被逼停止。当时谂唯有等雨停咗先再落嚟行几圈咯，点知哩个雨一落就落咗差唔多成日。
晏昼两只化骨龙放学时雨超大，我因为喺房入边听住歌，结果落大雨都唔识得关窗，囡囡嘅大麦部就畀水撇湿咗。老母见雨越落越大，就想叫我担把大遮去接弟弟，但我一睇时间，弟弟显然已经出咗校门了，我而家先出去接嘅话，个个学生都担住遮，好可能接唔到两只化骨龙。而哩个时候囡囡打电话畀我，佢话因为雨太大，班主任要佢哋喺课室等雨细啲先放学，所以让我通知一下弟弟嘅老师。
我即刻睇弟弟嘅班群，睇下今日边个老师带班，打电话同老师沟通时又睇到囡囡个班准备出校，随即同老师交代咗一下。
哩个时候我睇咗一下弟弟班群嘅聊天记录，发现好多家长喺度指责紧老师，话咁大雨应该让学生先喺教室度等雨细咗先出嚟，而家淋到成身湿嗮。讲真，哩次家长又讲得冇错嘅，老师真的欠缺考虑，所以群上班主任一直喺度同家长解释道歉。不过呢，群上最搞笑嘅，其中某同学嘅家长未放学前一直喺群度叫嚣，话自己时间紧迫，要求老师快啲带学生出嚟。哩个家长都唔知喺咪出嚟搞笑嘅，当时放学铃都未打，就一直喺度叫嚣，态度仲唔多友善。结果后嚟班群上有其他家长睇唔过眼企出嚟讲咗两句，然后就引致其他家长开始指责老师。
两只化骨龙返到屋企时，弟弟因为冇避开最大雨嗰个时间段，所以淋到成身都湿嗮，阴公猪。
下昼见个天依然喺度落雨，就决定喺室内跳绳锻炼。谂唔到晚黑上班果阵时同事又买咗条跳绳返办公室，结果今日糊里糊涂就跳咗一千几下绳，累计跳绳二十分钟。讲时讲，跳绳比跑步仲出得多汗，消耗嘅卡路里仲多。
差唔多落班嗰阵喺个拼车频道上咗个 NS 港区车，之前开会员都喺自己开，而家知道可以拼车之后真喺乜鬼都谂住拼一拼，可以悭得就悭。
记录一下上嘅车几时到期。
Nintendo Switch Online 港区会员，2026/6/14到期，8人车缺7人，年付35，跳车不退，翻车按比例退。破解机、国行机勿扰。
注意这趟车不是 Expansion Pack, 没有扩展包和 Nintendo Classic。
拉wx群，上车需提供游戏购买证明。如未到期想破解机器请提前和车主联系退出家庭组，以防破解后联网ban机影响其他成员。
联系: @roach959