坚持锻炼嘅第十五日，哩啲鬼天气，锻个炼都艰难到亖。越嚟越觉身边嘅同事一个二个都喺人才，恶搅。
今朝两只化骨龙起床返学时我就醒咗，但喺对上两晚训得唔好，搞到哩两日精神状态属于一般。睇咗一下睡眠嘅相关信息，深度睡眠连二十分钟都冇。于是我决定继续训多阵，结果一训就训到九点半。起身漱完口食咗个早餐之后准备落去行下，但有咁啱得咁桥，准备落楼时就开始落雨。服颈～
晏昼食完饭后见冇落雨即刻抓紧时间落去行完几圈，点知仲喺逃避唔过畀打断嘅命运，哩个鬼天气，想好好锻炼一下都咁鬼难。不过即使断断续续都好，今日我嘅锻炼目标都完成咗。
上班出去做嘢时畀个同事激死，平时认屎认屁做算啦，出去做嘢又唔知分寸，乱閪咁讲嘢，有时候真喺畀哩条友激死。
我发觉而家身边几个同事都好鬼神奇，一个长气到亖，成个猪油佬咁。一个懒到出汁，踢都唔喐一下，平时仲要成日脱岗。一个年纪大，做啲啲嘢就话腰骨痛。最后一个就喺认屎认屁，乜鬼都关佢事咁，认真过头。
唉，认真难管理。