今日带两只化骨龙参加咗一个名为“童心向党 · 小八路成长记”嘅活动，都几有意义下。挨晚出发聚餐时同老婆吵咗两句，一日嘅好心情就此破坏嗮。
老婆帮两只化骨龙报咗一个活动，喺区妇联主办嘅“童心向党 · 小八路成长记”，于是一早起床食完早餐就赶咗过嚟。由于活动唔需要家长参与（可在旁观看），于是我决定喺附近散下步，留老婆喺度睇住下就得喇。
我知道哩附近有一段路好适合散步嘅，平时经过都见到好多老人家坐喺树荫下吹水闲聊。我绕住哩度行咗一圈，估唔到竟然有差唔多四公里咁长。
行下行下嗰天又突然间落起雨嚟，好彩当时刚好离妇联唔喺好远，于是就冒住雨跑咗返入去。返到嚟先发觉原嚟活动先啱啱开始。原嚟活动开始前要换好服饰同排练，一群小朋友哩个时候就好容易乱，所以花咗好多时间，导致活动刚刚先开始。
活动整体嚟讲办得好成功，结束时邀请咗两位家长上台讲话，第一位讲得实在太好啦，虽然唔知喺咪托嚟嘅，但出口成文哩度真喺令人佩服。第二位喺一名老师，讲得都非常好，但相对嚟讲冇第一位家长咁有气场。第一位家长讲话时就好似啲领导上台讲话咁，一套一套嘅。
活动完咗之后已经晏昼啦，嗰日弟弟喺群上畀老师表扬后我应承咗带佢去食麦当劳，于是喺妇联出嚟之后就直奔麦当劳。我发觉其实间两只化骨龙并唔多中意食汉堡，但喺只要一听到话要嚟哩啲餐厅度食嘢就会莫名咁兴奋。
弟弟唔单止挑食，仲细食到不得了。一个汉堡都食唔完，次次都要我执佢口水尾，囡囡见我唔多想食咁嘅款就问，“喺唔喺惊食咗之后今个星期跑嘅步就白跑了？”
食完麦当劳就上咗图书馆，两只化骨龙表示哩个图书馆冇乜书睇嘅，好多书都喺有包装，用嚟卖嘅。而且之前学校嘅阅读打卡就定喺哩间图书馆，所以佢哋嚟过好多次，可以现场阅读嘅书基本上都已经睇过咗。
既然咁，先打道回府休息一下。
原本计划琴日聚餐嘅，结果因为阿粉囡囡要考试，所以改成今日。挨晚出发去肥佬屋企时同老婆吵咗两句，唉，烦。
乜鬼心情都冇嗮。