今日先发觉琴日同老婆吵交之后因为心情差而导致一连串唔好嘅事情发生，下昼两只化骨龙准备返学时我同佢哋两个好诚恳咁为琴日当住佢哋面同佢哋妈咪吵交哩件事而道歉。家和万事兴！身上嘅皮疹好似越嚟越严重，有啲担心。喺药箱度揾咗支无比滴嚟用，发觉效果唔错。
今日先知琴日挨晚同老婆吵咗两句之后嘅影响会咁大，聚完餐之后同班兄弟出去督波时唔知几时撞咗一下右手食指，导致食中关节处黑咗一块，今日揾药酒搽先知痛。仲有就喺琴晚返到屋企除手表时一下子冇注意跌咗落地，当时以为冇乜嘢，今日先发现就咁轻轻一跌，表盘左上角陷咗一小块同有一条划痕。新都未新得过气就，黑仔。
所以话啊，人就喺咁，衰开有条路噶，就因为同老婆吵两句，影响心情，然后引发一连串唔好嘅事情发生。家和万事兴啊！
下昼两只化骨龙准备返学时，我好诚恳咁同佢哋道歉，因为琴日吵时佢哋两个都喺现场，查实当时吵嗰阵见到佢哋两个好无助个样我都知道错喇，父母吵交查实对小朋友影响真喺好大嘎。自己细个嗰阵时已经深有体会，所以以后一定要控制好自己嘅情绪，喺两只化骨龙面前做好榜样。
下昼运动完出咗身汗，冲完凉之后背脊有啲痒，哩几日感觉皮疹越嚟越严重。痒时但凡我轻轻一抓就会起一块疹，极度恐怖。唔通真喺同老婆之前有过嗰啲皮疹？之前佢都睇咗好耐医生先好返，药自然食咗唔少。逢药三分毒啊！
不过真喺实在痒到顶唔顺啊，喺屋企个药箱度揾到支无比滴，搽咗啲又好似舒服咗好多，得食。
