今日依旧诸事不顺，因荨麻疹发作，导致凌晨两点先训着。朝早去睇医生，医生话皮虚，开咗包药畀我。两只化骨龙放学时因小事争吵，唉，都怪自己，要谂办法畀佢哋修下心先得。锻炼方面，今日完成第一个十公里，全程跟住博主节奏嚟，好轻松，赞。
唔知喺咪因为琴日畀两个废柴同事激亲定喺因为同老婆吵交之后到而家佢都喺不理不睬嘅态度导致我下班回家全身起嗮荨麻疹，冲完凉后一边对住风扇吹，一边搽药。之前搽完药之后啲疹好快就消嘅，结果哩次一直唔见啲疹消，反而仲越嚟越大块。最后顶唔住，食咗粒「氯雷他定片」先慢慢散咗。
咁样搞一搞结果就差唔多成两点钟先训着觉，头痛。讲起头痛，琴日上班时一下唔注意个头撞咗埋条横钢度，搞到个头壳顶即时起咗层楼，过嗮命。今朝起身洗面时仲赤赤痛。哩两日真喺诸事不顺！
朝早十点左右落咗妹妹度，琴晚起疹时我发咗张相畀佢，佢话今日带我去佢楼下附近间诊所度开包药，佢话我哋两兄妹嘅皮肤都喺一样嘅，皮虚，之前佢身上也经常起疹，去广州睇过好多次都唔得，而家佢起疹就嚟哩间诊所度开包药。
对上两日睇咗一下智能门锁嘅电池电量，得返 30%，安装时电量好似喺 70% 嘅，即喺话一个月掉电 40%，有啲快。好彩萤石送多咗块电池嚟，如果唔喺嘅话使用体验认真一般。至于用电快可能同设置有关，我将触发录像门槛设置得好灵敏，可能喺因为咁呱。
今日两只化骨龙放学时弟弟因为乱跑畀人撞咗一下，囡囡话咗佢两句，结果就吵咗起身，唉。唔知点讲好，性格？遗传？要谂下办法锻炼一下两只嘢先得，修心。
https://www.douyin.com/video/7510175226064276745
哩个视频上嘅老师解读《西游记》上嘅细节，真喺好有寓意。
视频当中有一则评论：
灵台方寸山:寻
斜月三星洞:心
一部寻心的过程
—— 兰竹
下昼又落狗屎了，我发觉而家个天乱閪咁嚟嘎，上昼仲出大太阳，晏昼热到囡囡吵着要开空调，下昼突然间成个天就黑鸠嗮。离谱！
下昼继续坚持锻炼，一直跟住抖音博主“旋风小红” 180 步频超慢跑嘅节奏嚟，轻松完成人生第一个 10 公里，打响七月第一炮。