下昼又要提前返办公室开例会，会议期间刷咗下手机，精准推咗篇好有用嘅文章过嚟。睇哩个情况，弟弟需要做个微创小手术，一谂到唔知点样去做弟弟嘅思想工作就头痛，弟弟脾气随佢妈咪，硬颈到亖。
下昼提前返办公室开咗个例会，然后通知一早就发咗，结果最后依然有两位同事冇返嚟参与，打电话过去问，竟然话唔记得咗。人才啊人才！
开会期间刷咗下微信，喺公众号度睇到一篇文章，即时转发畀老婆。
弟弟嘅情况属于包茎，好容易就会有炎症。之前咨询过医生，嗰阵时弟弟仲细，医生建议等到七、八岁之后先做个微创手术。原本都已经忘记咗，估唔到公众号及时推送。随即同屋企人商量，妹妹话可以带弟弟落广州做手术，而家暑假，会有好多细路仔做哩个手术，到时可能会排好多日队。而佢喺广州嗰边识人，可以随时安排手术。但老婆同我则认为哩啲小手术冇乜必要咁奔波，喺市人医或者妇幼做应该都问题不大。
查实哩啲都喺小问题，大问题喺唔知点样去做弟弟嘅思想工作。之前老婆次次同佢讲亲哩个话题佢都好抗拒，完全唔听人讲。讲时讲，弟弟性格随佢妈咪，硬颈到亖，所以好多时候都攞佢冇乜办法，毕竟而家嘅小朋友“打唔打得，讲又唔听。”