人至贱则无敌，同事又屈人请饮嘢，企埋一齐都觉得丑。同弟弟做思想工作，过程佢好抗拒，最后都畀我氹掂咗。经过商量，最后决定使用姑姑嘅方案，后日带佢落广州。
今日有行动，出去做嘢时嗰个成日都中意贪小便宜嘅同事一见到领导或者带班就屈人请饮嘢。最忔人憎嘅佢嗰副嘴脸，简直就……，我真喺唔知点样去形容。我突然间就谂到一句说话「人至贱则无敌」。
讲返今日哩次行动，真喺服颈，冇啲计划，乱到不得了。次次轮到哩个领导带班都会搞啲九唔搭八嘅嘢出嚟，不过认真谂一下又好似可以理解佢嘅难处。每个人都有自己要扮演嘅角色，领导也有领导嘅难处。
今日同弟弟做思想准备，佢一听到要做手术就非常之咁抗拒。我估到唔会顺利，但冇估到佢会咁激动。不过我好有耐心去同佢倾，最后佢都畀我氹掂咗。老婆之前话冇佢办法，要我去同弟弟倾。
既然已经氹掂咗弟弟，就应该开始筹备一下，最后大家一致决定用佢姑姑嘅方案，后日带落去广州，毕竟有熟人，方便好多。