今日弟弟班主任嚟咗家访，班主任认真唔话得，一个一个学生咁单独家访，一个班五十几人，都几喺嘢下。弟弟今个学期成绩值得表扬。
今日朝早我仲未训醒老婆就畀电话返嚟话弟弟嘅班主任准备过嚟家访，紧要。弟弟班主任哩方面的确做得好，每次都亲自上门单独家访，反观囡囡嘅老师次次家访都喺集中一个地方一齐家访，查实就喺形式咁影张相。
我即时叫醒两只化骨龙，两只嘢考完试当日就主动将啲闹钟关咗，并且强烈要求不能叫醒佢哋，点知弟弟老师今日就嚟家访。起床洗涮完之后我哋就喺度等老师嚟，结果等下等下我就开始眼训咯。吩咐佢哋如果老师嚟咗就叫醒我，然后自己又返入房训咯。
大概一个钟之后老师终于嚟咗，因为赶时间嘅原因，只喺简单交流咗一阵老师就要赶往下一个学生屋企。虽然话只喺简单咁倾咗十鲮分钟，不过能够一个一个学生咁家访已经好唔话得咯。
整体嚟讲，老师对弟弟喺学校嘅表现都好认同，无论喺学习、纪律、生活方面都给予大大嘅肯定，虽然话偶尔有时会精神唔够集中，只要以后改正过来就更加好。哩个时候老师要弟弟预测一下哩次期末试嘅成绩，弟弟表示数学应该满分，语文有一道题唔敢肯定，所以冇乜信心。结果老师睇咗下成绩，弟弟预估错误，数学只有 95 分，反而语文先喺 100 分，总分进了级前 100 名。
虽然话小学时期嘅成绩冇乜代表性，但喺一个好嘅成绩毕竟代表着自己一个学期认真学习嘅肯定，所以弟弟哩个学期总体嚟讲喺值得表扬嘅。