今日晨七咁早带弟弟落广州做咗个微创小手术，虽然贵啲，但属于花钱求安心咯。两只化骨龙临训前我畀咗啲旧相佢哋回味，笑到肚痛，少爷仔表示唔可以继续睇喇，因为笑得太厉害，佢鸡鸡痛，哈哈哈。
今日五点半就起床出发，带弟弟落去广州做包皮环切手术。点解咁早出发呢，主要喺因为外地车辆进入广州城区嘅原因，如果唔咁早出发嘅话就要喺 app 或者小程序上申请，麻烦喺其一，其二就喺咁样一嚟就可能要医生等。对上两日妹妹同我商量时我就表示肯定自己等人好过人哋等你喇，于是决定早啲出发，咁样一样又避开入城高峰，到时嚟到医院又可能会有车位停车。结果果然早啲出发喺冇错嘅，一路都好顺畅，而且嚟到医院真喺畀我哋揾到车位停车。
喺医院大堂度等咗半个钟度娇姑就嚟上班，然后简单慰问咗一番之后就带我上去泌尿科度打点好，有熟人打点的确喺省心好多，而且娇姑仲安排咗泌尿科嘅主任医师帮弟弟做手术。虽然话只喺好简单好简单嘅一个微创小手术，但如果可以嘅话肯定喺老手会稳好多喇。
至于价钱方面，上边哩个清单外仲有人情世故，大概使咗 30 张，之前喺当地医院了解过，门诊手术价格同清单差唔多，住院就可以报销几百。但本地医院要排队，毕竟假期期间会有好多小朋友做哩个微创。而且本地哩间医院自己亦都唔喺好放心，总之使多啲求个安心亦都冇乜问题。
至于弟弟今日嘅表现可以用「乖、坚强」三个字嚟概括，因为喺局部麻醉，手术期间家长要出房外，老婆为咗佢分心，问医生可唔可以畀部手机佢睇视频嚟分散佢嘅注意力，医生话冇问题。大概十五分钟度手术做完咗，我问弟弟有乜感觉，弟弟表示冇乜感觉，就喺只手攞手机攞到有啲攰，然后手术过程中鸡鸡好似畀嘢咬咗一啖咁咯。
不过当佢麻药过后就冇咁云淡风轻咯，哭到哇哇叫，我喺旁边安慰佢时感觉到佢真喺好痛，因为痛到佢捉实只拳头仔。就好似想亖撑，但又真喺痛到不得了嗰种感觉。
回程时突然间落超级大雨，原本我想开车嘅，但喺广州城区入边嘅路我真喺冇妹妹熟，所以最后都喺佢嚟开，我就坐后排氹弟弟。可能喺哭到攰吧，上车冇几耐弟弟就训着咗。
下昼返到屋企我同老婆都好攰好眼训，而弟弟因为喺车度训咗一觉，返到屋企就话想玩游戏。实在喺冇乜精力陪佢，于是就由佢自己喺度玩，我就喺沙发度训咗一觉。
我请咗两日假，食完饭老婆就回娘家去接囡囡返屋企，毕竟听日佢仲要返学参加散学典礼。而我就帮弟弟抹身，医生话十日后先可以冲凉，冇办法，唯有抹下个身就算数。
喺两只化骨龙间房陪佢哋听歌倾计，我攞咗啲佢哋苏虾仔时嘅相畀佢哋睇，大家都笑到一扑一碌，弟弟直接表示唔可以继续睇喇，笑得太犀利鸡鸡痛。哈哈哈，少爷发号施令，只能遵命。