今日囡囡返咗学校参加散学典礼，带咗一堆战利品返嚟。哩个学期两只化骨龙嘅成绩保持得唔错，都收获咗八只奖状。晚黑一家四口睇《七龙珠》，两只化骨龙表示好好睇，而且又可以学粤语，非常之唔错。
琴晚弟弟半夜三更痛到醒咗，然后一直训唔返着了，后嚟老婆畀咗啲美林佢食咗先训得安稳咗。
今日囡囡返学校参加散学典礼，朝早佢去返学我都唔知，我同弟弟一直训到十点几先起身。当囡囡放学返嚟时手提一大堆今个学期嘅战绩归来，嗰日弟弟班主任嚟家访时就叫囡囡散学典礼嗰日去弟弟班级度帮佢攞暑假作业同奖状。
哩个学期两只化骨龙都攞咗八只奖状，囡囡级排名 26，弟弟亦都进咗级嘅前 100，弟弟考完之后对自己嘅数学好有信心，结果却只有 95 分，我估计应该喺粗心大意造成嘅。不过呢，无论喺粗心大意好定喺真喺唔识做都好，冇满分就喺冇满分。囡囡冇一科喺满分嘅，不过就喺科科都考得唔错，所以级排名都算靠前。
下昼我下载咗两部动画片畀佢哋两个睇，因为弟弟而家哩个情况周围都去唔到，所以都要揾啲节目畀佢哋。之前我就想揾啲粤语嘅动画片畀佢睇嘎啦，等佢哋学多啲粤语先得，如果唔喺平时连粤语都唔识讲。我嘅要求唔高，出到去你讲普通话我一啲意见都冇，最低限度返到屋企要讲粤语呱。
今日嘅锻炼稍微加咗下强度，心率几乎稳定喺 Zone2，最主要嘅喺步频表现唔错，所以今日攞咗两个 PB，「最快配速」同「5公里最快速度」。
晚黑一家四口喺厅度睇《七龙珠》，虽然我细个时睇过下，但基本上已经冇乜印象啰，所以哩次陪两只化骨龙一齐睇时都仲喺好有新鲜感。