弟弟拆咗纱布之后夜晚训得安稳咗，大家都有个好觉训，舒服。哩两日开始折腾 Mastodon 同 GoToSocial，使用 Slurp 成功将前者嘅存档导到后者，GoToSocial 太轻便喇，个人使用嘅话，我觉得 GoToSocial 更为适合。
琴日拆咗纱布之后，弟弟晚黑就训得安稳咗好多，基本上可以一觉训到天光，咁样我同老婆亦都可以训个好觉咯。谂返起前几日弟弟隔半个钟就痛醒一次就头大，之前唔知係咪个弹力纱布勒得太紧，而且因为尿尿时纱布湿咗导致弟弟一晚都唔舒服，所以先导致佢一晚都训得唔安稳。而家好啰，大家都可以训个好觉。
今日锻炼时发觉膝头哥有小小痛，过命，难道受伤了？睇嚟要先停一下先啰。
琴晚嘅行动失败告终，今日领导再组织咗一波行动，结果现场等咗成粒钟，屁都冇浸，「有内鬼，终止交易？」
再次无功而返，大领导表示好嬲，要追究。
哩段时间一直喺度折腾 Mastodon 同 GoToSocial，主要呢我係觉得前者虽然功能强大，但係太过笨重喇，经济实惠啲嘅 VPS 都好难完全咁跑通哩个程序，个人觉得最基本都要去到 2C2G 咁嘅服务器先得。所以如果只係自己个人使用嘅话，后者应该会係更好嘅选择。
花咗啲时间去研究点样将之前喺 Mastodon 上发布嘅嘟文迁移到 GoToSocial，虽然迁移过程有啲啲复杂，而且丢失咗一小部分嘅嘟文，但係整体嚟讲都成功咁将差唔多 1G 嘅存档迁移咗过嚟。
至于最终到底係使用 Mastodon 定係 GoToSocial，我觉得应该先好好咁测试一下后者，毕竟 Mastodon 真係几好用下。