重新上咗土区嘅 Apple Music 车，36 鸡一年，唔错。由于膝头哥受伤，今日开始暂停跑步，以散步为主，HIIT 为辅，锻炼效果都算几好。试咗下同事新买嘅铁观音，想尝试一下乌龙茶。
今日重新上咗土区嘅 Apple Music 车，36 鸡一年。整体嚟讲价格同国区差唔多，查实我一直落唔到决心应唔应该将主力嘅苹果账号转到去其他区。其实我一直都係想将主力账号切换去美区嘅，毕竟美区嘅服务齐全，就係价格相对够贵啲。冇计，鬼叫你穷啊，顶硬上。国内一直都用得几好，但就係 Apple Music 曲库问题一直困扰住我。唉，唔谂啦，暂时先将主力账号换成土区先，测试一段时间，唔方便先算，到时再切换就係喇。生命在于折腾！
因为膝头哥有啲痛，今日嘅锻炼就冇跑喇，散步为主。不过就係出唔到汗咯，行咗成五十分钟，畀我嘅感觉都顶唔上我跑十分钟。晚黑喺办公室跳咗几分钟绳同十分钟 HIIT，后者出汗效果都唔错，就係我嘅动作好唔标准。但就算係咁样，十分钟嘅 HIIT 都搞到我一身汗，睇嚟唔跑步时多啲做哩类型嘅锻炼都係个唔错嘅选择。
今日试咗一下同事新买嘅茶叶，啲铁观音饮得下。不过好奇怪，条友平时都唔饮茶嘅，哩次突然间一次过买咗成五、六斤茶叶。平时我一直都係饮普洱茶，哩次试咗同事新买嘅铁观音，的确唔错，于是就让同事推咗茶商嘅微信号过来，准备自己都入手两斤嚟饮下。