唉，又有啲风吹咗过嚟，真係一波未平一波又起，有啲人真係人又係佢，鬼又係佢。服颈！将苹果账号切换到土区后，一切都算顺利，就係有啲界面同歌曲名冇中文，就当係学多两只单词。
今日又有同事过嚟同我吹风，收获咗几个消息。睇嚟某位新领导果真如传闻一样，「反转猪肚唔係人」。以前喺其他部门时刚上任就搿硬郁手下啲小组长，然后谂尽办法帮一啲同佢饮酒，拍佢马屁嘅人上去。虽然话哩啲咁嘅嘢好正常，但好心你冇做得咁出面啊。后嚟因为佢自己犯错畀人搣咗，估唔到咁快又畀佢上返位，虽然话係副嘅，但依旧「狗改不了吃屎」。唉，真係恶搞，估唔到避到夜班仲係避唔开，今日嘅风就话条友想对我郁手。不过唔理佢囉，煮到埋嚟食就係喇。
估唔到休养咗两日只膝头哥仲痛，认真过命。今日做咗三次 HIIT，效果出奇的好。
将 AppleID 更换成土区账号之后，今日整体测试咗一日，一切都算顺利。如果硬要话有乜嘢唔方便嘅话，应该就係有啲软件界面同 Apple Music 上嘅歌曲名冇中文，哈哈哈，就当係学多两只单词咯。
弟弟哩两日嘅状态好咗好多，拆完咗弹力纱布之后训又训得安稳咗，亦都冇听佢讲过话痛。而家一日帮佢喷几次碘伏就 OK 了，上班前我睇咗下个伤口，恢复得唔错。