突然间落咗场好大嘅北风雨，搞到我同囡囡揦手唔成势，好彩场雨一阵间就停咗。冇跑步后感觉自己好似病咗噉，计划下周重新开启跑步锻炼。
今日一场暴风雨嚟得好鬼突然，嗰个架势睇到都得人惊。我仲以为哩场大风雨之后会凉爽啲啦，点知雨后冇两个钟就又出返大太阳，又重新开始热到爆炸。
哩场大风雨搞到我揦手唔成势，得闲真係要搞一下入户花园个窗先得，如果唔係稍微大啲嘅北风雨就撇湿曬。同囡囡一边扫一边拖先得，好彩场雨落咗唔係好耐，如果唔係嘅话真係有排舞。
哩两日热到过命，要一直吹住空调。唔知係咪因为噉样搞到自己个人有啲攰，成身软嚟嚟噉。同有跑步嗰阵时嘅状态比好太多啦，希望只膝头哥快啲恢复返喇，冇跑咗几日步之后成个人都冇咁精神咗。今日按摩个膝头哥，感觉冇咁痛咗，恢复到下周应该就可以重新恢复返跑步锻炼囉。