台风要嚟囉，预计听日登陆。听日要去饮啖添㗎，冇搞到到时出门都成难题。偷鸡出去督波，结果小广子畀我打咗个「七星伴月」。督完波宵夜，饮返晚啤酒爽一下，四条友先饮 16 支，不过都够皮咯。
喺抖音上边睇咗下哩次台风「韦帕」嘅相关信息，都好紧要下，预计听日就会登陆广东。听日仲要去饮啖添㗎，大姑母大生日。如果台风嚟咗嘅话，出门都成为难题。到时先算喇，话唔埋台风未有咁快吹到过嚟清远呢。
今晚值班时偷鸡出去同小广子哋督波，我嘅状态几好，小广子只打了两枪，一波未入我就清了台，打咗个「七星伴月」。而家我同小广子嘅球技精进咗好多，粉同肥佬完全唔係对手。
督完波四条友去咗宵夜，天气太闷热，话去饮返杯啤酒爽一下。感觉我都好耐冇饮过啤酒囉，偶尔放纵一下应该问题唔大嘅。最后一直饮到两点先收档，四条友整咗 16 支啤酒。
期间讲起打乒乓球，阿粉同肥佬就约定听朝一早去切磋下，仲打埋赌。粉说发六只波畀肥佬接，肥佬只要接得住一球就当佢输。小广子买阿粉，我买肥佬，赌注为两支啤酒。
阿粉讲到天花龙凤，原本我都想买佢赢嘅，但係为咗对赌，暂时一人买一个囉。而且六球接住一球就赢，肥佬机会大好多囉。
拭目以待。