安排得满满嘅一日，朝早打乒乓球，下昼督桌球，挨晚返乡下饮啖，饮完返出嚟再去督桌球。哈哈哈，畀老婆投诉，说我一整天都唔顾家。
今日一早小广子就打电话嚟，叫去农信社睇粉同肥佬嘅约赛。琴晚太夜训，搞到我都唔係好想起身，不过谂咗下，自己好似好耐都冇打过乒乓球咯，或者过去玩下都係个唔错嘅选择，于是简单刷牙洗面之后就出发了。
因为要接埋小广子，等我哋过到去时粉同肥佬已经喺球室度热紧身咯。等阿粉攞啲装备出嚟时讲解时，畀我嘅感觉就係「条友好专业」，于是当佢同肥佬准备开始接发球时，粉重新问咗一句，「买定嚟手，有冇想转肽嘅？」结果我真係犹豫了，原本我係买咗肥佬赢嘅，但而家感觉肥佬自己都冇信心。哈哈哈，于是我决定转肽。
比赛开始，阿粉嘅实力果然同佢吹嘅一样，前面四球如同佢讲嘅一样，肥佬完全接唔住。粉发球过嚟，肥佬一接球就飞咗。但係当阿粉发第五球时又开始装 B，讲咗一大堆理论，结果发球时发咗个唔係好旋嘅球，肥佬一下就接住了。呕血，果然装 B 係要付出代价嘅。
比赛完就开始喺度打球，论实力嘅话，阿粉的确比我哋高一皮，如果佢认真打嘅话，我哋三个几乎毫无还手之力。
下昼鸡仔返咗嚟清远，于是小广子就约去督波。因为琴晚我打咗小广子「七星伴月」，今日同佢打咗几盘后感觉佢状态很好，于是揾机会畀佢打返我一盘「七星伴月」。我起了四次手，有一个袋口波特登唔打，外加小广子有一次犯规也当冇睇到。以前畀对手打七星觉得好丑，但而家反而觉得冇乜嘢，打七星证明自己嘅对手状态好，实力劲。而自己可以做佢嘅对手，证明自己也足够劲，哈哈哈。
挨晚返咗西沙饮啖，大姑母大生日。弟弟因为未完全康复，于是我决定让老婆同佢喺屋企，我同囡囡出席得咯。但係两老烦到亖，一直叫要带上弟弟，话费事人哋问三问四。我顶，人哋问就照直答就係喇，小朋友切个包皮咋，唔畀得人知么？服颈。
我发觉而家喺乡下饮啖食嘅嘢比一般嘅酒楼好好多，性价比又高。
席间同老表，妹夫饮咗几杯，加加埋埋足有满满三杯，係大嘅一次性杯，三杯绝对有半斤多啲。
饮完返上嚟带埋森记约小广子出嚟督波，哈哈哈，年轻人就係年轻人，享受大力出杆响袋，好多波明明轻轻督入，白波小小走过位就可以嘅，森记就係中意大力一杆，导致好多时候失误，白波走得太多。不过森记有身高，出杆姿势又好，好有进步空间。
