重新开始跑返步，计划跑一休一。毕竟唔想刚恢复返又受伤，听日用 HIIT 嚟锻炼就好。办公室一堆琐事，过。
今日重新开始跑返步，简单噉跑咗五公里，由于怕膝头哥会痛，于是只係轻松噉跑。跑完一身汗哩种感觉真係爽。虽然话做 HIIT 嘅效果都唔错，但我仲係中意跑步多啲。不过我计划听日也停跑，做 HIIT，主要係怕刚刚恢复，如果又日日跑嘅话，膝头哥会再次受伤。
一返到单位，隔离办公室嘅叫咗我过去食点心，然后贪小便宜嘅同事亦都跟埋过嚟，结果我刚攞咗一个蛋糕，条友就袋攞咗返自己办公台，优秀。在旁一个二个都拧曬头，睇嚟大家都对条友服曬颈。
今晚落咗成晚雨，成晚坐喺办公室。于是决定收拾一下，结果发现两只曱甴蛋，亖囉，如果唔係发现得早，到时哩两只蛋孵化完成嘅话咪一大堆曱甴出嚟？谂到都烦，最得人憎嘅係，啲曱甴蛋係喺我放茶叶嘅哋柜桶度发现嘅。
查实我已经好注意卫生㗎啦，但係啲同事食完只梨嗰心就噉掟落垃圾桶，下班又唔倒垃圾，惹蚊又惹曱甴，讲咗佢哋好多次都唔改，冇计。
前段时间日班嘅同事过来办公室开会，话我哋个室一浸除嗰度。讲鬼咩，两只大鱼缸，换水又唔勤力。有时啲鱼仔亖咗又冇及时处理，前段时间啲龟打交，有只细龟龟头都畀大龟咬断了，滑突到亖。