今日下昼去学习攞咗份小礼物，唔错。学习完同单位个厨师吹水，倾下倾下佢畀我氹到佢话下次整多鐏辣椒酱送我。工作上因为啲小事搞到自己唔多 happy，越嚟越发觉自己好鬼多余。
今日下昼去咗学习，查实就係个充数嘅。幸运嘅係今日下昼係最后一场，所以最后有个互动环节，简单答几个问题就会有个小礼物，又几好下。
学习完喺饭堂同单位个厨师倾计，呢排经常食呢位厨师私人整嘅辣椒酱，如果用嚟拌面肯定一流。喺我不停噉赞美之下，厨师话下次整辣椒酱时私人整多鐏畀我拎返屋企。
今日出去做嘢时碰到一个好鬼死蠢嘅对象，真係一啲都唔识得变通，讲句唔好听嘅就係「托柒都唔识转膊」。有啲嘢我唔可以讲到明㗎，但我已经提示得好明显囉，噉你都 feel 唔到，我就真係冇计咯。乞人憎嘅係条友一直喺度追住我讲个唔停，搞到我都有啲忟，理都唔想理佢就上车走咗。
发觉自己有时候真係好鬼多余，为咗一啲啲小事就搞到自己心情唔好。
刷抖音时睇到一段文字。
初来人间不知苦
潦草半生一身无
转身回望来时路
才知生时为何苦