今日下昼陪小广子去督波，结果输到亖亖下。喺优酷度追剧，结果睇到最后又要开通个「收官礼」，可能係啲提前观看结果诸如此类嘅操作吧，卑鄙。落班后想同老婆试下前两日买嘅酒 —— 「与君享」，喺老婆一顿纠结之后冇嗮心情，决定听日等佢整返两味撚手小菜再饮。
今日下昼小广子约督波，反正没乜事做，就陪佢督下桌球。结果今日自己嘅状态劲差，可以话係输到一败涂地。
呢两日一直喺度追紧赵冬麦嘅「樱桃琥珀」，赵冬麦近期作品几多下，我关注佢应该从「开端」呢部剧开始。
发觉优酷真係好鬼烦，明明已经係 VIP 喇，结果仲要购买一个乜鬼 「收官礼」先可以睇后面几集，贱精。不过喺国内，呢啲噉嘅操作实在係太常见啦，讲鬼咩，相关部门都唔出手整治下。
今晚落班前畀电话老婆，想同佢试下前两日新买嘅酒 —— 「与君享」，结果因为老婆纠结食呢样嗰样，最终导致我冇乜心情。老婆平时几有主见下嘅，但係一到叫宵夜外卖时就次次都纠结半日。
最后我提议佢听日整两味撚手小菜，然后一齐饮返两杯，后日出发汕尾，耍返几日。