自己最中意嘅盖碗畀囡囡唔小心整烂咗，肉赤到亖。试咗下新买嘅酒「与君享」，唔多掂水囉，用来招待班兄弟就有啲失礼喇。
肉赤，啱啱发现几年前买嘅盖碗个盖损咗一小块。唉，奇怪，个盖唔知点解无端端会损咗一小块，平时我使用时都係好小心㗎。今日攞返出嚟用，冲咗一泡茶之后就一直放喺个茶盘度，就离开咗两次，一次係运动完去冲凉，然后两只化骨龙入咗我房度睇「少年白马醉清风」，然后我带咗弟弟落去剪头发，囡囡一直喺房度煲剧，然后我返上嚟时就发现个盖碗盖烂咗。
简单问咗一下两只化骨龙，佢哋都话冇撞到我个盖碗，虽然自己好肉赤，但既然烂都烂咗，再去深究又有咩用喎？不过个盖碗当年使咗我唔少钱，加埋个主人杯差唔多成 30 张，而家突然间烂咗真係肉赤到亖，最最最主要嘅係呢只盖碗我自己好中意㗎。
晚饭时畀我逗咗一下两只化骨龙，囡囡不打自招，一开始仲要唔认？稍微用啲计仔就搞掂佢哋啦。既然知道係囡囡整烂嘅，噉就开始倾下如何赔。同囡囡讲我已经 set 咗个提醒，等以后长大工作后揾到钱之后要买返个靓嘅盖碗畀我。
试咗下抖音上买嘅「与君享」，讲唔上难饮，但就真係一啲都唔好饮囉。虽然唔係好贵，但噉嘅品质就唔係好值囉，如果用嚟招待班兄弟嘅话就有啲失礼喇。