旅游第一日，太耐冇见过大海喇，兴奋到冇休息好。全程得我一个人开车，查实都几攰下。今日行咗两个景点，风车岛同石群岛，有机会一定要再嚟多次。
唔知係咪因为要去旅游而导致兴奋过度嘅原因，琴晚居然失眠，后嚟起身饮咗杯白酒先慢慢训着咗。 朝早六点多啲老婆就叫醒嗮我哋，两只化骨龙有得去玩水，仲唔兴奋到爆咩。一顿洗漱收拾之后，我哋如期七点钟度左右就开始出发啦。 哩次出行几乎全程高速，两只化骨龙喺车度无聊，冇几耐就开始中眼训咯。汕湛高速都几好行下，就係隧道太多喇，唔知点解我只要一入隧道就会觉得好压抑，而且一出隧道仲感觉有啲耳鸣。 全程进咗两次服务区，第一个叫乜名都唔记得囉，第二个印象比较深刻，仲影埋相，叫「长沙湾服务区」。
老婆计划第一站去红海湾，所以落咗高速之后仲有一段唔短嘅路程，全程都係两车道，而且车流又大。原本就开咗三个几钟，已经够嗮攰，估唔到快进站仲要嚟多波猛嘅。
第一个景点我哋去咗风车岛，总体嚟讲非常之唔错，可能係因为我哋平时冇乜机会接触大海呱。
途经海上公路，但我哋都冇停留，一係因为太晒，二係因为饿啦，要揾嘢食。
第二个景点去咗石群岛，哩度好舒服，有机会一定要再嚟。
