旅游第三日，因为我晒伤严重，决定提前打道回府。临走前决定去呢条海岸线嘅几个景点沙滩打个卡，就算唔落水感觉都好晒囉。
认真过命，琴晚入住酒店时发现自己肩膀晒伤好严重，导致琴晚训教时躺住都痛，极度难受。值得庆幸嘅係好彩得我一个晒伤得比较严重，囡囡手臂度有啲啲，唔算严重。弟弟因为冇乜点落水，而且就算落水都着住衫仔。
因为我而家呢个情况已经唔适合继续落水同继续暴晒，所以原本嘅计划就要全改囉。一开始我同老婆都谂住喺汕尾呢边玩多日嘅，而家我晒伤咁严重，提前结束呢次旅程应该先明智之选。
不过走之前决定去呢条海岸线嘅几个景点简单打个卡。
最舒服嘅係喺西沙滩，有树，有千秋，坐喺树荫底下吹下海风都几舒服下。
离开西沙滩之后食完嘢就决定打道回府喇。讲真，我係觉得就噉走人真係几可惜嘅，如果头两日我做好防晒，冇晒得咁伤嘅话就唔会扫大家兴，按计划玩多一日先走。不过而家讲呢啲又有咩用？反正以后仲有机会，囡囡话以后一定要嚟多次，有咗呢次嘅经验，下次过嚟玩一定会玩得更加尽兴。
返到屋企老婆话要帮我补水，滋润一下晒伤嘅地方。
