今日又是家庭聚会嘅日子，结果饭都未食五条友就饮咗一支酒，后边又饮得急，结果大家一个二个都有嗮状态，阿粉直接开启追酒饮模式，鸡仔直接呕咗，下半场都冇去成，我哋几个宵夜仲饮咗成打啤酒，几乎全部都醉嗮。
今日又到咗家庭聚会嘅日子，原本係七月底嘅，结果我同阿粉都出咗去外地玩，于是就等到今日大家先坐埋食饭。
呢个月轮到阿粉组织，同往常一样，啲婆乸仔坐埋打牌，我哋就出咗去督波。最近肥佬一直约，今天同佢督咗一局，输咗，条友进步好大呢。
督桌球督到差唔多六点几先返阿粉屋企食饭，结果饭都未搬开，五条友就已经饮咗一支酒。一睇呢个架势我就知道今晚肯定有人醉。果真如此，阿粉状态嚟得好快，饮到最后一直追酒饮。鸡仔今晚呕咗，下半场都冇去成。
不过讲真，冇去成下半场仲好啊，饮完下半场直接后差唔多个个都醉到亖亖下。下半场仲要饮啤酒，呢半个月嚟我饮咗唔少啤酒，讲真，我都有啲惊惊哋。毕竟前段时间嘅体检报告，我嘅尿酸又高咗。
我饮酒就係呢点唔好，唔识得刹车，次次都追酒饮，前两年有所控制，呢排又开始放纵。以后唔可以噉喇，酒呢家嘢都係要控制住先得。