老婆带咗两只化骨龙返娘家，屋企瞬间清静咗。今日脱皮更加严重咗，囡囡帮我上药时一直喺度话滑突。呢排一直喺度煲剧，少歌·特辑，总体嚟讲几好睇下。
今日老婆带咗两只化骨龙返娘家，屋企得我一个，瞬间感觉安静咗好多。朝早醉醒一睇群，阿粉话脚痛，唉，都怪琴晚饮得太颠喇。我上次体检嘅尿酸仲高过阿粉，阿粉都脚痛，我怕我都会中招啊。
琴晚饮得太醉，今日一啲胃口都冇，自己一个人亦都唔愿落厨。今日脱皮嘅地方越嚟越大块，膊头背后一大块都已经脱皮，囡囡帮我上药时一直话爸爸个背好滑突。不过后背脱皮感觉冇乜嘢，因为换完皮之后就会好，但我胸口前面亦都开始脱皮，而且有啲痒，妹妹一直打电话过嚟问，惊我晒伤嘅地方发炎。
挨晚时开咗台车返去畀妹妹，冇计，外出跑高速都係妹妹台车实际啲、安全啲。
呢两日一直喺度追剧，先係《少年白马醉春风》，然后就係《少年歌行》，剧虽然係《少年歌行》先出嘅，但故事线则係《少年白马醉春风》喺前面，而家我睇完《少年白马醉春风》了，但我感觉呢部剧感情戏有啲拖节奏。至于《少年歌行》则未睇完，但感觉故事嘅节奏感比《少年白马醉春风》好。