经历人生第一次痛风，真係好鬼亖痛啊。企都企唔起身，实在冇办法，只好请假在家休息，以后应该要用药物嚟控制住尿酸先得囉。
真係怕嗰样嚟嗰样，今日起身突然右脚大拇指好鬼亖痛，嗰种痛简直攞人命。人生第一次经历痛风，之前一直听小广子同阿粉讲痛风要食药，听佢哋讲得咁轻松，我仲以为即便係痛风都问题唔大，冇諗到自己经历一次竟然会痛得咁紧要。而家连企起身都痛，行都行唔郁。
之前妹妹帮老豆开咗啲「非布司他片」，小广子话可以食呢只药来控制尿酸，佢话佢而家每日都食 20mg，而家算係控制住咗，已经好耐冇试过痛风复发。查实痛风主要係人嘅代谢出问题，饮食占 20%，当然啦，以后酒呢家嘢真係要适量控制先得咯。