帮老婆去医院攞体检报告，一拐一拐的，认真过命。好彩今日开始痛风只脚开始冇咁痛咗，睇嚟啲药非常有效。同事之间一定要保持「君子之交淡如水」。
今日下昼过咗医院帮老婆攞体检报告，换作平时就冇乜嘢嘅，但呢几日自己痛风，行两步都痛到亖亖下。不过冇计，老婆嘅新单位催得好紧，而老婆落班嘅话，医院体检科亦都下咗班咯，所以只好我一拐一拐噉过去帮佢攞报告。其实我唔係好明，医院已经好多自助机啦，体检报告唔係可以喺自助机度打印嘅么？点解老婆嘅体检回执度注明要到指定科室度打印？
好彩今日痛风嗰只脚冇咁痛咗，睇嚟呢几日食嘅「非布司他片」有啲效果。加上自己背脊脱皮嘅地方亦都好返咗好多，呢段时间受嘅罪应该就要开始好转喇。
上班依旧只能坐喺办公室度刷抖音，好彩呢期落雨冇乜嘢做囉，如果唔係嘅话，班友仔唔知会唔会喺背后噏三噏四，总之而家同事之间一定要保持「君子之交淡如水」。