喺旧博客度更新咗篇折腾文，成两个月冇喺度更新囉，以后等服务器过期之后再另作打算。单位新嘅工作手机有新消息，估计近期就会发落嚟咯。
今日喺旧博客度更新咗篇文，成两个月冇喺呢个博客度更新囉，原本想放弃呢个旧博客站点嘅，不过谂咗一下，呢个旧嘅博客可以发一啲折腾记录嘅内容，因此佢亦都产生咗价值，等以后服务器过期之后再另作打算。
今日痛风只脚差唔多康复咯，感觉开始消肿，终于唔使一拐一拐噉行路咯。不过今日脱皮开始转移到手臂度，过命。睇嚟哩锅嘢唔係咁简单，之前晒黑嘅地方全部都要脱一次皮？
上班嘅时候领导突然间走过嚟问我知唔知单位部手机几时发？领导知道我同负责呢个项目嘅肥佬係兄弟，所以佢嘅意思係想叫我向肥佬打听一下。于是我微咗一下肥佬，得知电话琴日已经发咗过我哋单位，如果係噉嘅话，新嘅工作手机估计呢个月就会发落嚟咯。