资本抢占市场导致个市场畸形到亖，仲唔加大力度管下佢哋么？偷鸡出去同小广子笃波，结果畀佢打到服颈，条友今晚好似开咗外挂噉。
今日老婆带咗两只化骨龙出去朋友聚会，而我正好要返去值班，最近淘宝（饿了么）、美团、京东一直喺外卖市场搞三搞四，几蚊鸡就可以有得饮又有得食。花咗三蚊鸡叫咗个周记云吞竹升面，有啲难食係其次，主要係落班时感觉自己个肚有啲唔多舒服，肚屙。
资本抢占市场，导致小商家冇啖好食，故此服务可能就会变差，食材都冇处理好就直接出餐。反正我觉得噉样嘅市场有啲畸形，要加大力度管管喇。
值班期间偷咗个鸡出去同小广子笃波，结果条友今晚好似开咗外挂噉，完全唔係佢对手，打咗个几钟我先赢咗一盘。有一盘小广子差啲一Q清台，最后只黑波打歪咗有啲可惜，不过一枪入咗七波都已经好劲咯。