今日老婆表妹带弢弢过嚟揾囡囡同弟弟玩，晚黑食完饭之后出去同小广子笃波，发现自己同佢嘅水平已经唔同一个级别囉。条友仔喺抖音度学咗好多桌球技巧，进步非常明显，睇嚟我都要学习一下先得。
今日老婆表妹带埋弢弢嚟咗屋企玩，阿表过嚟前问咗下停车问题，而家路边基本上都係乱停乱放嘅，冇乜必要花钱停入车库囉。以前经济好时阿 Sir 好勤力抄牌㗎，而家嘛，懂嘅都懂。的确该放嘅时候就应该松一啲，毕竟「有头发边个愿意做瘌痢」？
晚黑继续同小广子出去笃波，而家睇嚟小广子嘅技术已经高我一皮囉。条友仔原嚟一直有喺抖音上边学一啲桌球技巧，视频睇得多咗，将学嘅嘢喺平时笃波时慢慢噉熟练起身，然后就有咗而家嘅进步。以前我同佢打一直都係有输有赢，而家就我输多赢少。小广子通过抖音学习，已经揾到入球嘅感觉，出杆稳，走位亦都唔错。睇嚟我都要喺抖音度学习一番先得，如果唔係以后同小广子出去笃波净係输就冇瘾啦。