决定听日开始重新开始锻炼，争取再减多十斤噉就 Perfect 喇。呢两日重新开始折腾代码，感觉生疏咗好多，虽然话有 AI 帮手，但係弊在时灵时唔灵囉。
最近身体恢复得差唔多咯，係时候要重新开始运动啦。已经皮甩得七七八八，背脊嘅皮已经甩完咗，而家剩低手臂度仲有一细块喺度甩紧，估计听朝就会完全甩完。至于痛风，亦都完全康复啦。所以呢，听日开始应该就可以重新开始运动啦，之前锻炼减脂一开始体重并冇乜点减，但明显感觉到身上嘅肉净咗，老婆仲话我开始有啲肌肉添。之前锻炼嘅效果我已经瘦咗十斤，我嘅目标係再瘦多十斤，瘦到一百四十左右就 Perfect 喇。
呢两日一直喺度折腾代码，太耐冇乜点样去接触囉，感觉生疏咗好多。虽然而家嘅 AI 工具好劲揪，但係久唔久就感觉好似有幻觉噉，嗰种感觉我一时之间又讲唔出嚟。反正我觉得而家嘅 AI 对于我嚟讲，暂时只能係辅助工具。