决定听日开始重新开始锻炼，争取再减多十斤噉就 Perfect 喇。呢两日重新开始折腾代码，感觉生疏咗好多，虽然话有 AI 帮手，但係弊在时灵时唔灵囉。
今日重新开始锻炼，虽然心率高咗啲啲，不过轻松完成五公里室内跑步。跑完步一身汗嘅感觉就係爽，不过今日着件衫唔多得，出汗后成件衫黐喺身度，应该係因为件衫嘅材质导致周身唔聚财噉，有机会研究一下跑步嘅运动套先得。
因为落大雨嘅关系，今晚成晚都喺办公室度饮茶。618 嗰阵时买咗啲下关沱茶，价钱唔记得咗，大概 70 蚊度啩，抵饮到不得了喇。不过今晚茶叶落多咗，搞到啲茶汤浓到鬼噉，搞到我一直喺度用开水嚟冲淡啲佢。
今晚嘅雨有啲大，攞手机出嚟随便拍咗相。呢个时候突然间谂起一首歌，谭咏麟 —— 雨丝 · 情愁。
好耐冇听校长嘅歌，以前细个时老豆成日放佢同徐小凤嘅歌，有嗰句讲嗰句，以前香港嘅作词人真係犀利。
今次喺油管度听到一个女版嘅，感觉都好好听。雷安娜 - 雨絲情愁，值得收藏。