因为帮内勤传达通知，仲逐个打电话 confirm，结果有啲人睇到但係连一句「收到」都唔回。开始我真係好鬼嬲，不过冷静落嚟之后就觉得完全冇呢个必要。庆幸自己有个 blog 可以用嚟记录，释放自己嘅情绪。
今日嬲到我啊，内勤通知早啲返办公室度身，内勤惊佢哋冇睇到群嘅消息，就想叫我帮手通知一下佢哋。我喺群度@咗佢哋两次，标明收到通知嘅喺群度回复一下，结果到最后居然先得两个人复我。然后冇喺群度复我嘅，我就一一打电话过去通知。有两个冇听电话，呢啲冇乜嘢，毕竟工作手机，冇带喺身都唔出奇。但最嬲嘅係有一个同事竟然同我讲已经返去度完身，即係话佢係有睇到信息，但睇到信息居然复都唔复一下？最基本嘅礼貌都冇。
讲时讲，当时我真係好嬲，不过后嚟谂咗一下，完全冇必要。反正佢哋又唔係我咩人，就同事咋，唔可以为咗啲无谓人而影响到自己嘅心情，万一呢啲唔好嘅心情牵连到屋企人就更加得不偿失咯。
反正我觉得自己已经尽咗本分，通知已经做到位，联系唔上我都冇计㗎。至于睇到通知都唔复一下我嗰个同事，或者是佢觉得「我返咗就得啦」而忽略咗基本嘅礼貌；又或者佢平时已经习惯咗噉，根本冇意识到噉样做会令到我嬲。虽然唔代表佢啱，但我觉得应该提醒一下自己：「佢哋嘅行为反映嘅係佢哋嘅习惯或者修养，唔係自己嘅价值。」
点都好啦，好彩我有呢个地方可以畀我自己释放一下。毕竟有时候就算控制住咗，心入边仲係会郁闷囉。呢个时候写低喺度，等情绪有出口。
总之一句：我嘅责任已经做足，唔需要为佢哋嘅无礼去惩罚自己嘅心情。