老婆新嘅工作遇到啲唔顺心嘅事，康复师要做销售工作，搞笑。同老婆倾咗下，希望佢可以释怀，该争取就一定要争取，冇委屈咗自己。
今日落班之后返到屋企见到老婆愁眉苦脸个样，我就估佢应该喺工作上遇到唔顺心嘅事。果然同佢倾咗下之后就讲到佢而家个主管时不时就会 PUA 佢，话其他中心嘅科室已经完成咗几多几多 quota，言下之意即係叫老婆着紧啲。
讲真，我听完老婆讲完之后觉得好鬼嬲，我係嬲老婆而家做嘢嗰个养老中心。当时招聘时明明係招康复师，点解而家入职之后居然要负责销售业务，当时面试嗰阵时点解唔讲清楚啊？而家仲要 PUA 都嚟埋，个主管都废嘅，仲要拎其他中心嘅业绩嚟施压，搞笑。
不过嬲归嬲，呢个时候更应该开导一下老婆。先尝试睇下可唔可以同主管沟通一下，如果觉得沟通唔嚟就先应付住佢先囉，本身职责就唔係销售。老婆担心到时公司用呢个业绩嚟扣绩效，我叫佢先冇谂咁多，如果到时真係扣咗绩效，一定要去问清楚係咩原因扣嘅。至于平时，一定要积极响应，主管要求，就直接同佢讲，「我一直以嚟嘅职业技能都係喺康复服务上，对于销售业务实在係一窍不通，不过我而家都有尝试同啲客户交流，同时亦都有喺抖音上学习啲相应嘅销售技巧。」做唔做係一码事，做唔做得好又係另外一码事。「你嘅价值係做好康复师，唔係做销售，如果中心真係打横嚟，我哋亦都要有底气保护自己。」而且呢啲唔尊重专业岗位嘅地方，到底值唔值得长期做落去呢？毕竟，专业嘅人专注专业嘅事先係对员工最基本嘅尊重。