继续同老婆讨论佢而家嘅新工作环境，或者我真係唔识得氹佢囉，倾下倾下老婆都唔愿意复我囉。
睇嚟老婆喺而家嘅工作单位度做得真係好唔开心、好冇瘾，今日佢落班前又发微信过嚟同我诉苦。点讲好呢，睇嚟老婆喺工作上挨嘅毒打仲未够多。查实呢段时间同佢倾起佢嘅新工作时我都觉得佢太过主观，甚至我觉得佢畀其他同事带咗节奏，导致佢先入为主。
老婆觉得佢而家嘅新领导一直喺度敲打佢，对佢诸多挑剔。但我要佢举例时，我又觉得老婆嘅主管并唔係有意针对佢，以事论事，我只係觉得个主管做事认真仔细，追求完美。可能主管嘅表达方式出现咗问题，导致老婆觉得主管喺度抽称佢啩？
呢个社会就係咁残酷，人哋做主管，中心嘅事佢就要做好，因为呢个係佢嘅责任，可能佢嘅方式方法唔啱，但冇计㗎，上面有指标压落嚟，佢也就打压下面嘅人囉。而家你觉得佢嘅方式方法令你唔舒服，你係咪应该主动出击去解决问题？
总之你自己谂清楚，有乜嘢都应该主动啲，而唔应该自己喺度内耗。问下自己有冇先入为主，或者人哋唔係针对你，只係单纯想做好中心嘅工作。
今晚我讲嘅嘢可能片面咗，所以仲係要你呢个当事人自己去判断，但我觉得做人边会样样顺心如意㗎，有困难就去解决囉。做自己，冇畀人带节奏，同事之间相处，君子之交淡如水。
唔知係咪自己讲得太过喇，搞到发完呢几段话之后老婆就唔复我咯。哈哈哈……