最近发觉自己嘅记忆越嚟越差，原本琴日就要将啲兑换码上架闲鱼，结果搞到今日上班之后先醒起呢件事。同事跳槽，临走前请宵夜，不过今日七夕，返屋企陪老婆先係正道。
原本计划朝早起身就将琴日收到嘅兑换友上架闲鱼，结果训醒之后又唔记得咗。发觉自己嘅记性越嚟越差，讲真，自问自己都唔係好老啊，点解郁下就会呢样唔记得，嗰样唔记得㗎？过命。
下昼收到学校通知，囡囡开学嗰日要做礼仪生，听日朝早就要返学校培训。一睇时间，朝早 7:30 到校。囡囡直接崩溃，哈哈哈…，如果唔係我提前半个月开始要你调生物钟，你仲加崩溃啊。
呢两日锻炼效果非常唔错，心率控制得好，出汗效果自然就会上去。喺室内跑咗咁耐，而家有啲啲想出去室外跑一下。
上班时终于谂返起要将啲兑换码挂闲鱼，挂之前我搜咗下，有几个挂 10 鸡屎一个码，哈哈哈…，等我嚟做烂个市佢，直接腰斩，5 鸡屎一个码，大甩卖。呢个决定最终让我轻松赚咗 30 鸡。
落班时有个同事请宵夜，因为佢要跳槽喇，谂住临走之前请大家食个宵夜。一开始我都应承咗佢嘅，不过后嚟老婆发微信过嚟话今日终于开咗单，然后导致今日嘅工作量大增。呢个时候老婆肯定係想我氹下佢，返屋企之后帮佢按摩一下。加上今日又係七夕，所以我都係决定落班之后返屋企陪老婆算咯。班友仔一听又喺度乱噏廿四，不过呢啲情况我就当冇听到。
老婆见我抵锡，醒咗个大红包畀我，1888，瘾。