晏昼去接小广子去桌球室笃波时抬头望天时发现蓝天、白云睇着好舒服，呢个应该受心态影响。食完晚饭后出去户外跑步，结果心率有啲高，显然身体机能未够强。
今日朝早起身睇咗下手机，结果发现有闲鱼上有两个成交信息。于是起身发货畀买家，结果最后买家一直唔确认收货，有条友仔明明已经睇到咗我嘅信息，但就係唔确认收货，另外一个则一直处于未读状态。
既然已经起咗身，噉就将琴晚发现嘅 BUG 修复一下。坐喺电脑前突然间谂起囡囡今朝要返学校培训，一睇时间，明明已经过嗮钟，点解囡囡唔起床嘅？我以为佢训过龙，点知过去一问先知学校改咗时间，下午先返学校。
晏昼小广子约出去笃波，要话试下支新 Q，条友仔喺网上花咗 20 张买咗支 PERI 嘅入门杆。讲真，换作係我就真喺唔舍得。
一分钱一分货，小广子支新 Q 的确好好用。今日笃咗成五个钟，条腰骨都直埋。期间有一盘我差只黑八就一 Q 清台，可惜。我同小广子到而家都未试过一杆清台，而家我同佢嘅追求就係呢个咯。
笃紧波时收到闲鱼嘅通知，发现我上架嘅 EdgeOne 兑换码竟然成了违规商品，直接下架咗。难道係因为我价钱定得太低，同行举报我？
食完晚饭之后决定试一下户外跑步，喺室内跑咗咁耐，我觉得应该可以尝试一下户外跑。但係冇谂到原嚟自己一直以嚟都太天真啦，以为可以喺室内轻松跑五公里就可以出去户外跑。结果今晚一试便原形毕露，头 1.5KM 心率还算正常，之后就唔得啦，一跑就直飙 170，太夸张啦，心率一上去之后我就唔敢跑咯，等心率降落嚟之后先再跑。但係呢，噉样跑步强度虽然高，但係个人体感完全比唔上室内跑步舒服。而且我觉得室内跑虽然轻松，但贵在持久，所以室内跑时间超过 30 分钟之后嗰种持续出汗嘅感觉更加令人心情愉悦。
不过点讲呢，户外跑有户外跑嘅好处，等自己心肺功能同身体机能强大咗之后，多啲出去户外跑步都係唔错嘅。