去其他中队参加咗一个专项整治行动，结果做咗晚得个桔。形式主义？用个脑去谂下都估到呢个时间段行动肯定扑空嘅。落班发觉有个个人案件过期未处理，烦到亖。
琴晚注册咗蜂鸟众包，不过今日未开始跑，主要係电鸡仔都冇充好电，想跑都跑唔到啦。
今日过其他中队参加一个专项整治行动，虽然领队话冇主要嘅工作任务，但言语间又喺度强调要做出成绩，都唔知佢想点嘅。我觉得应该实事求是，既然你想做成绩出嚟畀上边嘅领导睇，你就唔应该讲呢次行动係自主组织，上头冇工任务压落嚟嘅。想要出成绩，就要畀下边嘅人感受到压力。而家你既要成绩，又要做烂好人嘅话，下边咁多老油条，我估计呢次又係得个样。
参加完行动都讲落班咯，第一晚，话要去各个黑点踩下点，结果兜咗一晚，屁都冇䘲。不过都预咗㗎喇，本身呢啲人做坏事边会拣呢个时间段出嚟啊，一般都只会下半夜先出嚟做嘢。不过理鬼佢，反正领导话噉，我哋细嘅做就係喇。
落班时先发觉今日有单个人案件过期，郁闷，因为抽咗出去，都冇睇工作手机上嘅案件。唉，烦。