跑单第二日，整体嚟讲蜂鸟众包真係唔好做，单价实在太低喇。同事分享咗佢嘅备用手机支架畀我用，解决咗我嘅燃眉之急。
跑单第二日，今日嘅情况稍微好咗啲，订单也比琴日好咗啲啲，但整体嚟讲单价依然低到离谱，一句讲嗮，唔好做。
今日虽然整体收入高咗，但係係用时间堆出嚟嘅收入。不过好嘅信号係，有咗第一日嘅经验，今日开始渐渐开始进入状态，送单时亦都冇咗嗰种紧张感。
上班时同同事讲起手机支架，结果佢话有一个备用嘅，于是话可以畀我用住先，然后佢重新落过单，喺度感谢佢，解决咗我嘅燃眉之急。
至于今日其他嘅事就冇乜值得记录㗎啦，都係上班、落班、出去跑单噉咯。係喎，有一件事要记录下嘅就係，部电鸡嘅尾箱唔可以放餐啊，今日送一份麻辣烫喺上面，结果攞出嚟时发现有啲汤汁洒咗出嚟。同客户解析之后，庆幸嘅係个靓女表示理解。