跑单第三日，今日好勤力跑，赚咗 75 蚊嘅同时亦都爬咗好多楼梯，消耗咗好多卡路里，效果理想，坚持。
我顶，今日跑咗 19 单，但收入先得 75 蚊，平均 1 单 4 鸡屎都冇，过命。
朝早去咗复检同埋办健康证，复检要差唔多成百鸡，好彩有得报销，自费 25 蚊左右。至于办健康证就冇得报销囉，105 蚊。
复检结果唔多理想，尿酸、甘油三脂依旧有啲高。原本以为呢段时间饮食控制同埋锻炼后会有所下降，点知仲係咁高，睇嚟呢项工作一定要长期坚持先得。
今日跑单发现一个好严峻嘅问题，就係部电鸡太过弱喇，想跑耐啲啲都唔得，而且速度亦慢，好多单郁下就想超时嘅节奏，根本唔敢一下揽多啲单去跑。不过要求冇咁高咯，毕竟自己係兼职嘅，而且主要係以锻炼身体为主。今日就爬咗好多楼梯，手表显示消耗咗接近四百个大卡，非常理想。